相信好多營銷人,甚至係最出色嘅賣貨高手都曾經有過咁嘅經歷:就算已經一次又一次咁優化、校對、審核,相信已經講清楚產品嘅每一個賣點,刪除自high嘅部份,但轉化率仲係慘淡!

或者你會講:競爭更加激烈喇;粉絲專頁嘅打開率越嚟越低喇;用戶對各種廣告套路已經麻木喇. . . . . .
的確,尼個係事實!但你有無諗過,點解係市場上仲不斷有熱賣廣告?佢哋係點做到嘅?佢哋嘅廣告有邊啲亮點?

所以呢,當有朋友問我:Man佬,點樣快速提高廣告賣貨能力呢?我嘅答案係:拆解。
今日就同大家詳細講下尼個話題——點樣快速拆解一篇熱賣廣告?點樣從拆解熱賣廣告入面,參透佢嘅賣貨秘密為自己所用?

拆解廣告話難唔難,只要你識字,從頭到尾讀一次,認知對比、使用場景. . . .講出幾個套路,都算係拆解。但點解你拆解咁多,輪到自己做,仲係爆唔起尼?

事實上,大多數人拆解就停留係初級階段,就好似係可以睇出1條頸鏈用咗幾粒珍珠,以及珍珠嘅大小,但俾你重新復原一條完整嘅頸鏈,就整唔到喇。咁點樣學識快速拆解一篇熱賣廣告呢?

其實,拆解廣告係搵到串頸鏈嘅果條線,就好似“庖丁解牛”,你要透過廣告嘅皮肉睇到內部嘅筋骨,就係賣貨嘅框架結構、底層邏輯。掌握咗佢哋,你就可以獲得打開決策過程嘅金手指。

為咗更有效咁令你掌握5分鐘拆解熱賣廣告嘅方法,我將拆解熱賣廣告嘅經驗總結成1個前提,1個標題,3步方法,2點思考:

1個前提:
唔理係拆解乜嘢產品,你首先要思考一下它嘅目標人群,同佢嘅痛點、需求。否則,齋睇廣告你會睇到一頭霧水,就算覺得廣告好好,但如果你拎去套用嘅話,就會發現死得好慘。所以,一定唔好為咗拆套路去拆套路,一定要考慮到每個套路背後都係活生生嘅人。

1個標題:
好標題,令廣告成功咗一半。拆解標題,要從4個方面進行拆解思考:1、吸引注意。 2、過濾讀者。 3、價值可量化。 4、情緒感染(緊迫感、焦慮感)。

3步方法:
1、勾人開場診斷痛點,激發目標用戶需求。
係尼一步入面,最重要嘅就係痛點。痛點與希望並存,痛點戳嘅越準,戳得越痛,顧客購買產品嘅慾望先會更強烈。係尼度,對痛點嘅拆解有3個層面:1、痛點係乜嘢? 2、痛點唔解決嘅嚴重後果係乜嘢。 3、痛點激發嘅需求同產品嘅相關性同匹配度。研究證明,人類會花更多嘅時間同精力去躲避或驅除痛楚,所以,當你拆解一種類型嘅熱賣廣告後,你就會明白尼種品類,所針對人群嘅痛點係乜嘢,應該點樣對應,當你操作同類產品嘅時候,先可以更有經驗、有感覺。

2、講事實擺證據,證明對用戶收益。
係尼一步入面,最關鍵嘅係:價值一定要大於投入。
人係做出購買決策嘅時候,會考慮投入產出、評估風險成本。尼度要注意嘅係,要證明產品帶嚟嘅價值,而唔係淨係介紹佢哋。證據越充分,顧客做出決策嘅機率就越高。所以,產品給顧客帶來嘅收益係乜嘢、價值係邊度,熱賣廣告入面係用咗邊啲方法來證實。當你自己做廣告嘅時候,點樣展現對用戶嘅價值可以打動顧客,就會比較有把握。
3、引導用戶行動,快速促成交易。
成交係我哋廣告嘅最終目的,都係前面所有工作臨門一腳。熱賣廣告係點樣引導顧客快速成交?尼度都係拆解嘅重點。

2點思考:
拆解熱賣廣告,係為咗自己打造更好嘅廣告。所以,拆解之後嘅思考比拆解本身更重要。
思考有2點:1、作為一個潛在消費者,你有邊啲無被解決的異議?點樣進行優化?2、從熱賣廣告入面拆解出嚟嘅方法,係其它廣告入面點樣應用?可唔可以舉個例子?
當你係拆解熱賣廣告,甚至係銷售話術嘅時候,學識用尼幾個方法去思考,你會發現自己進步飛速!當你係正確嘅道路上堅持,你離賣貨高手就不遠喇!

更多其他文章:  產品差異化賣點的提煉秘訣3個要點,8個維度,1個模型,給你講透產品差異化賣點的提煉秘訣!